ఒకే ఒక మాట పెదవోపలేనంత తీయంగా

ఒకే ఒక మాట మదిలోన దాగుంది మౌనంగా
ఒకే ఒక మాట పెదవోపలేనంత తీయంగా
నా పేరు నీ ప్రేమనీ - నా దారి నీ వలపనీ,
నా చూపు నీ నవ్వనీ - నా ఊపిరే నువ్వనీ
నీకు చెప్పాలని...

నేను అని లేను అని - చెబితే ఏం చేస్తావు
నమ్మనని నవ్వుకొని - చాల్లే పోమంటావు
నీ మనసులోని ఆశగా - నిలిచేది నేననీ
నీ తనువులోని స్పర్శగా - తగిలేది నేననీ
నీ కంటి మైమరుపులో - నను పోల్చుకుంటానని
తల ఆన్చి నీ గుండెపై - నా పేరు వింటానని
నీకు చెప్పాలని..

నీ అడుగై నడవడమే - పయనమన్నది పాదం
నిను విడిచి బతకడమే - మరణమన్నది ప్రాణం
నువ్వు రాకముందు జీవితం - గురుతైన లేదనీ!
నిను కలుసుకున్న ఆ క్షణం - నను వదిలిపోదనీ
ప్రతి ఘడియ ఓ జన్మగా - నే గడుపుతున్నాననీ
ఈ మహిమ నీదేననీ - నీకైనా తెలుసా అనీ
నీకు చెప్పాలని..